El Boletín Oficial del Principáu d’Asturies de fecha 17 de marzu publica la convocatoria de les pruebes pa sacar los certificaos de competencia llingüística n’asturianu del 2022. Anguaño convóquense los niveles de competencia Intermediu B2 y Avanzáu C1.

Estes pruebes son una manera d’acreitar la competencia comunicativa en llingua asturiana y tán adaptaos a les pautes del Marcu Común Européu de Referencia, un instrumentu que dexa plantear equivalencies ente les distintes enseñances y exámenes d’idiomes. Según esti, el nivel B2 correspuende a un nivel intermediu, en cuantes que’l C1 correspuende a un nivel avanzáu. Cada prueba incluye exercicios correspondientes a la comprensión y producción de testos orales y escritos, mesmo qu’a la competencia de mediación ente la llingua asturiana y castellana.

Cada prueba almite un máximu de 300 aspirantes. Si hai más solicitúes, les places van axudicase d’alcuerdu con un sistema d’orde alfabéticu que tien como puntu de partida les lletres del primer apellíu a partir de ZL (resultáu d’un sortéu públicu). Ha presentase una única solicitú por persona, y namás va poder escoyese ún de los dos niveles de competencia ufiertaos.

Calendariu d’inscripción

Centros d’inscripción

Enllaz a la resolución de convocatoria