La Conseyería d'Educación vien d'incorporar a la so web un amiestu al repositoriu de recursos didácticos Estoyu/Estoiro nel que se ponen a disposición de la comunidá educativa los materiales específicos y ediciones de calter didácticu ellaboraos por cuenta del Día de les Ciencies Asturianes.

El Día de les Ciencies Asturianes celebróse n'Asturies en siete ocasiones, siempre nel mes de payares y en coincidencia col Día Mundial de la Ciencia pa la Paz y el Desenvolvimientu, una cita mundial qu'ufierta la posibilidá d'amosar la importancia de la ciencia na vida diaria nuestra y alimentar el debate sobre les cuestiones científiques, averándoles a la sociedá.

Nes convocatories celebraes hasta agora ellaboráronse materiales específicos y publicaciones pensaes pal alumnáu que tán yá accesibles nel enllaz https://www.educastur.es/-/viii-d%C3%ADa-de-les-ciences-asturianes-dca-2022?redirect=%2F como un recursu más a disposición pa conmemorar nel nuestru idioma'l Día Mundial de la Ciencia pa la Paz y el Desenvolvimientu instituyíu pola Unesco.