El BOPA del 17 de febreru anuncia la tramitación d'un premiu lliterariu nuevu, el premiu «Pachín de Melás», pensáu pa reconocer testos teatrales inéditos en llingua asturiana. Según la documentación que figura en Asturias participa, el testu ganador va llevar, amás del gallardón y la dotación económica qu'indique la convocatoria del premiu, el derechu a la coproducción de la obra con una compañía profesional de teatru. 

El trámite d'información pública tien una duración de 20 díes hábiles, y nesti periodu puen presentase alegaciones pela parte de la ciudadanía.