LA COMPAÑÍA DEL ALBA 
Perendi

Vienres 4 d'ochobre. 20:00h

 

Trayectoria
Carlos Alba “Cellero” ye un actor especializáu en trabayos unipersonales de teatru narrativu y de títeres, xuglaría, monólogu y cuentacuentos. Nel añu 2022 entama col so proyectu de compañía teatral: La Compañía del Alba. 
Trabaya n'asturianu, castellán y gallego-asturianu. Sofítase na propia tradición escénica del país, como ye´l casu del monólogu y el teatru popular. Coles sos obres Llázaro de Tormes (2017) y Les madreñes vacíes (2022) resultó ganador del Premiu Nel Amaro de Teatru profesional en llingua asturiana. Amás nel añu 2021 creó y interpretó la serie infantil Animalada Xabaz, pa la Televisión del Principáu d'Asturies (TPA), xunto cola productora Covenant Audiovisuales.

Sinopsis

Marina quier escapar de Perendi. L'ansia d’esperiencies de la mocedá, el brillu del gran mundu y un futuru idealizáu d’éxitos profesionales llámenla alantrones, embúrrienla pa dexar atrás el valle natal. Pero, enantes de marchar, tien que buscar, xusto en Perendi, la materia pal trabayu d’investigación que-y facilite acceder a una plaza d’investigadora asociada na Universidá de Wisconsin: la obra pictórica d’un estrambóticu artista siriu inmigráu nel conceyu, dotáu del don de la profecía pictórica y augur de defunciones y catástrofes. Pelos cuadros d’Ahmad Rami desfila una sociedá semirrural decadente que, como caún de los sos componentes, muerre d’una manera tan irremediable como ridícula.
La obra ye una adaptación escénica d’una parte de los relatos publicaos por Milio Rodríguez Cueto, nel diariu La Nueva España, ente los años 2000 y 2010.

Ficha técnica y artística

Autoría: Milio Rodríguez Cueto. 
Dirección: Carlos Alba “Cellero” 
Repartu: Carmen Gloria, Cova Cobos y Carlos Alba 
Dirección actoral: Lidia Otón 
Artista plásticu: Nacho Suárez (BlancoBuría) 
Ayudante de dirección: Diego Lombardía 
Diseñu d´illuminación: Rafa Escheverz 
Escenografía: Nacho Suárez y La Compañía del Alba 
Vestuariu: Ana Lamela y La Compañía del Alba 
Voz n´off: Diego Lombardía / Grabación de guitarra: Pol Fernández