PRODUCCIONES NUN TRIS
Vuelu d'andarines 

Vienres 17 d'ochobre. 20:00 h

Espectáculu pa mayores de 13 años

Trayectoria

La compañía fórmenla Inmaculada Rodríguez y Antón Caamaño en 1992, primero como asociación, hasta que se profesionaliza definitivamente en 1997. Dende aquella, amás d’animaciones y otres intervenciones artístiques, lleven estrenaos 56 espectáculos (la metá aproximao en llingua asturiana) pa toa mena de públicu y de tolos estilos: dende drama y comedia a danza contemporánea, amás d’ópera pa neños y neñes, comedia del arte, espectáculos de cai o zarzuela. La versatilidá y la capacidá d’asumir retos escénicos nuevos ye una de les señes distintives de la compañía.

Nel añu 2021 la compañía llevó’l V Premiu Nel Amaro de Teatru Profesional en Llingua Asturiana cola obra La reina la guapura de Leenane.

Sinopsis

Vuelu d’andarines ye un espectáculu de danza y movimientu nel que partiendo d’un esquema concretu propónse un trabayu de creación mui personal, onde’l protagonista ye’l propiu intérprete, al traviés d’una llectura contemporánea de fechos históricos, fenómenos y movimientos sociales. Dende una güeyada contemporánea, quier falase de los procesos migratorios como una constante del ser humanu, y allugalos dientro del contestu actual y inclusive dientro del ámbitu personal. Too esto pa presentar una visión humana, amable y integradora del fechu migratoriu.

Ficha técnica y artística

Executante: Javier Olivares

Asistente de movimientu: Ana Serna

Escenografía: Elena Espigares

Espaciu sonoru: Javier Suárez

Illuminación y coordinación técnica: Calos Dávila

Videografía: Covenant Audiovisuales

Vestuariu: Producciones Nun Tris

Dirección y idea orixinal: Inmaculada Rodríguez

Ayudante de dirección: Antón Caamaño

Producción y distribución. Producciones Nun Tris