É VERO TEATRO 
Al rodiu l'horru

Vienres 24 d'ochobre. 18:30 h

Espectáculu pa tolos públicos

Trayectoria

Depués d’años trabayando en delles compañíes y en montaxes de xéneros y estilos mui diversos, Verónica Gutiérrez siente la inquietú de mostrar una visión personal, apostando pol humor y la música como elementu vertebral nos sos espectáculos, al tiempu que fai una crítica reflexiva sobre temes d’actualidá.

Desque nació, É Vero Teatro llevó a cabu cuatro espectáculos de formatu medianu: CATACRÓQUEN, Esa oscura concejala, El monstruo Revoltijo y Al rodiu l’horru, amás d’espectáculos de cai y microconciertos teatralizaos y sketches pa eventos diversos.

Sinopsis

Una fola nueva de quemes afara Asturies. Nora vuelve al sitiu máxicu onde xugaba cuando yera pequeña, l’horru de so güela, decidida a salvalu del fueu y de lo que seya. Al llegar, la so imaxinación dispárase. Les histories escondíes nos rellavicos d’estes construcciones centenaries empiecen a garrar vida mentes les pieces se tresformen en personaxes sorprendentes. Pero’l peligru acecha otra vez y Nora enfréntase a los pirómanos cola ayuda de los sos amigos los páxaros y del públicu, a quien va convertir en guardianes del horru.

Ficha técnica y artística

Autoría: Verónica Gutiérrez

Dirección: Verónica Gutiérrez y Cristina Alonso

Intérpretes: Verónica Gutiérrez y Marion Le Bihan

Movimientu escénicu: Estrella García

Composición musical: Marion Le Bihan, Xuan Rodríguez y Verónica Gutiérrez

Escenografía: Juanlu (carpintería La Escuela) y Tamara Norniella

Vestuariu: Llucía Miravalles (Ringo Rango)

Illuminación: Ernesto Argüelles y/o Óscar Álvarez

Vocal coach: Ruth Suárez

Revisión llingüística: Xuan Rodríguez

Fotografía: Manu Galán y Mercedes Menéndez

Diseñu gráficu: Sara Leal

Edición d’audiu: Ángel Secades y Marion Le Bihan

Grabación musical de “L’horru mio güela”: grupu Matazúa

Comunicación: Me lo dijo Pérez

Videu: Mengano Producciones