El Boletín Oficial del Principáu d'Asturies de fecha 8 de xunetu del 2024 publica la Resolución de concesión de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva.

Esta llinia d’ayudes ta dirixida a empreses periodístiques, radiofóniques, televisives o d'Internet y subvenciona les inversiones realizaes na producción d'espacios onde s'use l'asturianu o l'eonaviegu, bien n'espacios periódicos y fixos, bien en programes estraordinarios d'interés especial, pero siempre que'l so usu ayude a la normalización y dignificación del usu social de la llingua y seyan espacios configuraos como propios del mediu y asumíos por él.

Nesta convocatoria del 2024 subvencionáronse 12 proyectos por un importe total de 88.167,99 euros.
 

Información complementaria